熾熱消費：出口歐美BB蛤衣$15大特賣
=============================================
BB仔衫得意可愛，要買到心水的款式一點也不難，但售價卻絕不便宜。其實要將小寶寶扮到靚一靚，不一定要大灑金錢，就好像今日介紹的嬰兒服飾特賣場，大量BB衫$15就有交易，場內款式達數百款，全是出口到歐美國家的貨色，適合6個月至24個月的BB穿，呢類衫百貨公司約售$50-$80一件，所以售$15一件十分超值！
記者：陸伊琳
嬌俏公主袖 - 呢件棉質蛤衣，領位有花邊作點綴，配上公主袖的設計，簡單得來夠大方，黃色的衫身上，布滿小花圖案，B女穿上恍如一位小公主般，溫文可愛。特賣價$15
得意小狗一見鍾情 - 呢件棉質蛤衣，衫款以無袖設計，其衫身較大件，就算較胖的BB穿也合適，衫前有一隻小狗布章作裝飾，小BB見到必定鍾意。要是在頸上配襯一條紅色圍巾，就更加醒目有型！ 特賣價$15
滿布小白兔好可愛 - 背心的棉質蛤衣是較少有的設計，事關怕不夠保暖會凍親BB，但怕熱的BB穿上一定特別醒神。衫身布滿小白兔，夠晒可愛，背心的設計更可一展小寶寶的胖胖手臂仔，炎熱的天氣穿，一定可愛到震。特賣價$15
搶眼紅色小甲蟲 - 得意可愛的紅色甲蟲仔，布滿整件棉質蛤衣，相信連BB女都會呱呱大叫「我鍾意」，蛤衣的衫袖，以公主袖設計，衫前有一蝴蝶結作點綴，十分可愛。特賣價$15
格仔背心適合肥妹仔 - 若嫌卡通公仔圖案太普通唔夠特別，不如選購呢件以粉紅色格仔作為圖案的棉質背心蛤衣，其顏色鮮豔奪目，腰間有兩個小蝴蝶結作點綴，其衫身較闊，肥嘟嘟的BB都適合。特賣價$15
動物嘉年華 - 棉質蛤衣上有不同的動物圖案，有小馬、肥豬、牛牛和鴨仔，並有牠們的英文名稱，雖然BB太細唔識字，但圖案盞鬼得意，隨衫更附送一對小襪套，絕對超值！ 特賣價$15
活潑棒球啤啤熊 - 呢件藍色直間棉質蛤衣，衫上繡有三隻活潑可愛棒球啤啤熊布章，連衫鈕亦採用棒球形的小膠鈕，切合主題，富有心思，最o岩買畀活潑好動的BB穿。特賣價$15
襯埋口水肩夠醒神 - BB衫中較少見淨色的衫款，呢件棉質的紅色短袖蛤衣，可謂相當特別，配襯埋白色綑藍邊的口水肩及紅色小襪套，一套著上身搶眼醒神，口水肩更有魔術貼調校鬆緊，非常舒服。特賣價$15
熊仔逐隻數 - 熊啤啤舉住棒球棍的造型，盞鬼得意，究竟有幾多隻熊仔？小朋友就要慢慢數啦！棉質的衫身以搶眼的紅色布條綑邊，夠晒奪目，男孩女孩穿都同樣可愛。特賣價$15
籃球小精英 - 爹地媽咪是籃球迷，必定不會錯過選購這件棉質蛤衣給小寶寶，蛤衣以籃球作為主題，左邊的胸口前有一個籃球網，右邊則滿布籃球圖案，實行從小就培養小寶寶成為籃球健將。特賣價$15
小女孩必搶粉紅套裙 - 套裙選用半棉半Polyester製造，圓領設計高雅大方，配埋公主袖的設計，以及花邊小短褲，凸顯小公主的地位，最o岩文靜的B女穿。特賣價$15
抵買三合一套裝 - 呢套三合一套裝，一套有齊口水肩、短袖衫仔和短褲，質料選用全棉製造，柔軟舒適，穿起一套夠晒醒目有型，男女都適合，三件頭同樣賣$15，認真抵買。